Blogger mein custom robots header tags settings kaise kare?

Dosto agar aap bhi ek blogger hain to aap ye acchi tarah jaante honge ki aapke blog ke liye SEO yaani ki Search Engine Optimization kitna jaruri hain. Agar aap apni blog ka sahi tarike se SEO karte hain to aapke blog par bahut adhik matra mein search engine se traffic ayega. Iss post mein main aapko bataunga ki kaise aap apne blogger blog mein custom robots header tags ki setting kar sakte hain taaki aapke blog mein adhik se adhik organic traffic aaye.

Custom robots header tags kise kehte hain?

Kya aap jaante hain ki search engines jaise ki google, bind, yahoo etc. hamari website ke content ko samajhne ke liye robots ka sahara leta hain. Ye robots hamari website hamari website ke pages ko crawl karte hain aur sab kuch sahi paye jaane par unhe index kar dete hain. Phir jab koi user search engine par search karta hain to query ke hisaab se hamare pages search results mein show hote hain.

Header tags ka istemal karke hum apni website ke konse page search engine mein show karne hain aur kaun se nahi iska chayan kar sakte hain. Ye hamari website ki search engine ranking ke liye bahut jaruri hain kyunki agar hamari website ke irrelevant pages search engine mein show honge woh naa toh hamare liye koi faydemand honge aur naa hi visitor ke liye jis se hamare blog ka rank girne ke saath saath visitors ka bhi bharosa uth jayega.

Custom robots header tags ka istemal kyu karna chahiye?

Jab hum blog create karte hain to usme kayi tarah ke pages hote hain jaise ki home page, post pages, archive and search pages etc., agar hum custom robots header tags ka use nahi karenge to google hamare blog ke sabhi pages ko index kar dega aur hamare blog mein duplicate content ki problem aayegi.

Duplicate content ki problem aane ka karan ye hota hain ki archive aur search pages ka content post pages ke jaisa hi hota hain. Archive and search pages sirf blog visitor ke navigation ke liye hote hain isliye hume inhe search engine mein show nahi karna chahiye.

Robots header tags ke types:

1. all - Iss tag ka istemal karne se pages crawl aur index kiye jaate hain.

2. noindex - Iss tag ka use agar hum pages ko index nahi karana chahte hain tab kiya jata hain. Aisa karne se aapke pages search engine mein show nahi honge.

3. nofollow - Agar hum apne pages par diye gaye external links ko mahatav nahi dena chahte to hum iss tag ka use karte hain. Issko enable karne se google bot samajh jata hain aur unn links ko follow nahi karta.

4. none - Isske istemal se search engine naa to page ko follow karega aur naa hi index karega. 

5. noarchive - google search results mein aapne kayi baar dekha hoga ki results ke niche cached likha huya aata hain iska matlab ye hota hain ki google ne uss website ki ek copy save kar li hain taaki future mein website down hone par uss saved copy ko dikha sake. Iss tag ka istemal karne se cached pages ko search engine mein nahi dikhaya jata.

6. nosnippet - Search results mein title aur url ke niche diye gaye description ko hatane ke liye iss tag ko use kiya jata hain.

7. noodp - Open Directory Project/Dmoz ek websites ki directory hain jahan se google kabhi kabhi websites  ke baare mein jankari leta hain aap chahe to isse disable kar sakte hain noodp tag ka use karke.

8. notranslate - Agar aap apni website mein translation ko disable karna chahte hain to aap notranslate ki madad se aisa kar sakte hain. 

9. noimageindex - Iss tag se images  ko index hone se roka jata hain. 

10.  unavailable_after - Iss tag ka istemal karke aap kisi bhi page ko kuch time ke baad deindex hone ke liye set kar sakte ho.

Robots header tags ke baare mein jaan ne ke baad ab inki setting kaise karni hain us par chalte hain.

Custom robots header tags ki setting kaise kare?

Agar aap apni posts ko search engines mein index karana chahte hain to niche diye gaye steps to follow kare:

1) Blogger.com par jaakar apne blog ke dashboard ko open kar le.

2) Left side menu bar mein Settings >> Search Preferences par click kare. 

3) Ab aap Crawlers and indexing ke niche Custom robots header tags setting dekh payenge.

4) Custom robots header tags ke saamne diye gaye Edit par click karke Yes radio button ko select kar le.

5) Ab aap niche batayi ki settings ko follow kare jis se aap ka blog seo friendly ban jayega.

• Home page mein all checkbox ko select kare taaki aapka homepage ka saara content index ho sake aur noodp ko bhi select kare jis se google description snippet ke liye open directory project ka istemal nahi karega.
• Archive and Search pages aapko index nahi karane chahiye isliye aap noindex checkbox par click kare aur noodp ko bhi select kare.
• Default for Posts and Pages ke liye aap all aur noodp dono ko select kar le taaki aapki post index bhi ho aur search engine me bhi rank kare.

6) Save changes par click kar de.

Bas itna hi karna hai aapko custom robots header tags setting karne ke liye. Ye setting normal blogs ke liye hain jo aapne blog ke pages ko search engine mein dikhana chahte hain lekin agar aap apne blog ko private rakhna chahte hain to aap alag setting bhi kar sakte hain.

Conclusion: 

Custom robots header tags se hum apne blog ki reach ko aasaani se set kar sakte hain. Blog mein custom robots header tags ki setting karna bahut jaruri hain kyunki agar hum aisa nahi karte hain to google hamare blog ke internal pages ko bhi index kar dega jis se duplicate content ki problem aayegi. 

Custom robots header tags ki setting sahi tarah se ki jaye to ye aapko blog ko rank karane mein bahut madad karegi wahi dusri taraf agar hamne galti se kuch important pages ko noindex pe set kar diye to ye hamare blog ko search engine se completely hata dega. Isliye hum in tags ka istemal karte samay bahut dhyan rakhna chahiye.

Iss post mein bas itna hi, main ummeed karta hoon ki aapko hamari post pasand aayi hogi. Ho sake to iss post ko apne friends ke saath share jarur karna. 

Kya aap bhi apne blog mein custom robots header tags ka istemal karte hain? Apna experience, questions, sujhav niche comments box me jarur likhe. Thank you!