Microworkers se ghar baithe paise kamaye

Dosto, aaj hum baat karenge ek short task earning website Microworkers ki.  Iss post mein main aapse microworkers se judi har jankari share karunga, jaise ki microworkers kya hain, iss se kaise earning karte hain, iss se payment kaise le sakte hain etc. In sab baato ko follow karke aap bhi meri tarah microworkers se accha paisa kama sakenge.

Abhi aap ke mann mein ek sawal uth raha hoga ki what is microworkers ?

Microworkers: Microworkers ek micro tasks website hain jaha par aap kuch chote chote tasks complete karke paisa kama sakte hain. Yeh tasks kayi prakar ke ho sakte hain jaise ki facebook like, website visit, twitter share, youtube comment, reddit upvote etc.

Friends, maine ab tak Microworkers se 5-6 months mein $267 earn kiye hain, yeh bhale hi aapko lekin main sirf daily 1-2 ghante hi work kiya iss website par. Aur shuruat mein kam earning se aap demotivate mat hona kyunki jaise jaise aap successfully task complete karenge, employers aapko apni favorite category me daal lenge jis se aapko jyada tasks milenge aur aapki earning increase hogi.

Microworkers par ham dusro ke liye bhi task create kar sakte jis se hum apne website, page, product etc. ko promote kar sakte hain. Isske liye hame dusra account create karne ki bhi jarurat nahi padhti, same account ko hum as a worker and as an employer use kar sakte hain.

Microworkers joining link: https://microworkers.com/signup.php

Microworkers pe available task types:

1) Like, comment aur share: Yeh task boht aasaan hote hain aur within 1 minute complete ho jaate hain. Iss tarah ke task mein aapko batayi gayi post ko like, comment ya share karna hota hai. Yeh post facebook, twitter, reddit ya kisi anye platform par bhi ho sakti hain. Aap in tasks se 10 - 20 cents per task earn kar sakte hain. 

2) Website sign up: Sign up tasks me aapko dusre logo ki website par as a referral join karna hota hain. Lekin dhyan rahe agar aap uss website par already registered ho to dobara na kare aur task ko ignore kar de, kyunki yeh cheating maani jayegi aur aapka task reject ho sakta hain. Yeh task bhi boht jyada samay nahi lete aur inse bhi aap upto $0.20 kama sakte hain.

3) App download: Yeh task sabse adhik paise dete hain isliye aapko inko jab bhi available ho, turant complete karna chahiye. Aap ko sirf batayi gayi app ko playstore/app store se apne smartphone par download karke ek acha sa  review dena hota hain. Iss task ki payment 50 cents se $1 tak hoti hain.

4) Search and Click: Iss task me aapko bataye gayi website ko search karke kuch time ke liye visit karna hoga. Yeh task low payment dete hain lekin kaafi aasaan hote hain aur jaldi bhi complete ho jaate hain.

5) Account creation tasks: Iss task me aapko kisi aur ke liye batayi gayi website par account create karna hoga aur account ki details jaise ki username, password as a proof submit karni hogi. Aap iss task se $0.20 tak earn kar sakte hain.

6) Short surveys: yeh surveys normal survey site se alag hote kyunki issme aap kabhi bhi disqualify nahi honge aur yeh 5 minutes mein finish kiye ja sakte hain. Inki payment generally $0.50 - $1 hoti hain.

7) Youtube video tasks: Microworkers par aapko bahut se youtube tasks complete karne ko milenge jahan par aapko video ko dekhne ke saath saath comment, like ya subscribe karne ko bhi kaha ja sakta hain. Iss task ki maximum payment 20 cents tak ho sakti hain.

8) Other tasks: In sabhi tasks ke alawa bhi microworkers par kayi tasks hote hain, jinhe aapko instruction ke hisab se complete karna hota hain. In tasks ka bhi appki earning me kaafi mahatav rahega, isliye inhe ignore na kre.

Yeh sab to maine aapko tasks complete karne ke baare mein bataya lekin yaad rahe ki aapko task submit karne se pehle puche gaye proof ko bhi batana hai jaise ki screenshot, username, url etc. Proof ko dekhne ke baad hi task author payment release karega. Aapki

Microworkers se payment kaise le? 

Microworkers har wednesday aur sunday ko payment deta hain. Iske payment options Paypal, Payoneer, Dwolla and Skrill hain. Microworkers se earning withdraw karne ke liye minimum balance $9 Paypal ke liye aur $20 Payoneer ke liye hona chahiye. Pehli baar Paypal main payment lene mein 1 month ya uss se adhik samay bhi lag sakta hain kyunki microworkers aapke address par ek physical pin send karta hain jisme kuch samay lag jata hain, halaki agar aap pehla payment Payoneer se withdraw karenge to kam samay lagega aur uske baad aap settings change karke apni agli payment Paypal se le sakte hain. Mere experience ke hisaab se indian users aasaani se $30 - $50 mahina microworkers se kama sakte hain.

Payment proof :

Internet par aapko microworkers ke kayi payment proof dekhne ko mil jayenge jo ki iski legitness ko prove karte hain. Aap mera last payment proof jo ki $9.72 ka hain, niche di gayi image mein dekh sakte hain.

Conclusion:

Ab tak aap yeh jaan hi gaye honge ki Microworkers ek legit short tasks website hain jis pe kaam karke aap ghar baithe extra income kar sakte hain. Microworkers ke tasks bhi bahut simple hote hain jo ki koi bhi kar sakta hain jaise ki facebook share, twitter retweet, website visit etc. Yeh sab task hum waise bhi generally karte hain lekin hame uski koi payment nahi milti. Jabki microworkers hume in sab tasks ke liye payment deta hain. Ant mein main yehi kahunga ki microworkers sirf ek extra income site hain, yeh aapki day job ko replace nahi kar sakti. Haan, agar aap apna free time use karke mahine mein $30 - $40 earn karna chahte hain toh yeh website aapko acchi lagegi.

Agar aap aur bhi paise kamane ke tarike ke bare me jan na chahte hain to hamari website par visit karte rahiye kyunki hum aur bhi aise kayi post karte rahenge. Friends agar aapko mera microworkers tutorial accha laga ho to share jarur karna, dhanyavad.