Apne blogger blog ko copy hone se kaise bachaye?

Hello dosto, aap sab kaise ho? main ummeed karta hoon aap log bahut badiya honge. Friends, aaj main ek aise topic par baat karne jaa raha woh har ek blogger ke liye bahut hi jaruri hain. Jaise ki aap logo ne topic parh liya hoga ki hum apne blogger blog mein right click ko kaise disable kare taaki koi aur apki post ko copy/paste karke apne blog mein publish na kar sake. Agar aap janna chahte hain ki yeh kaise kiya ja sakta hain, to iss post ko ant tak padhe.

Right click ko disable kyu karna chahiye?

Har ek blogger yeh acchi tarah jaanta hain ki ek ek unique post likhne mein kitni mehnat lagti hain, wahi dusri taraf kuch log bina mehnat kiye aapki post ko copy/paste karke apne blog mein publish karne ke chakkar mein rahte hain jis se aapki post ki value bhi kam ho jaati hain. Kabhi kabhi to copy ki huyi post original post se google pe bhi accha rank karne lagti hain jis se original blogger ko bahut nuksan uthana parh sakta hain saath hi saath agar aapke blog mein adsense ads bhi lage hain to yeh aapke adsense account ko khatre mein daal sakta hain. Isliye apne blog ko copy/paste se bachana bahut jaruri ho jata hain. Agar aap bhi ek blogger hain to iss post mein bataye huye method ko follow karke aap apne blogger blog mein right click ko disable kar sakte hain aur apne blog ko copy/paste hone se bacha sakte hain.

Blogger mein right click ko disable kaise kare?

1) Sabse pehle aap ko apne blogger ka dashboard page open karna hoga.

2) Uske baad aap left side menu bar mein Layout tab par click kare. Aap niche di gayi image ki sahayta le sakte hain.

3) Layout interface open hone ke baad kisi bhi Add a Gadget option par click kar de chahe wo sidebar mein ho ya footer mein kyunki aapka gadget show nahi hoga sirf wok karega.

4) Add a Gadget par click karne ke baad ek pop-up window open hoga jisme aapko HTML/Javascript ko find karna hoga.

5) Ab aap HTML/Javascript ke saamne bane + button par click kar de.

6) Uske baad aapke saamne ek aur pop-up show hoga jisme ek Content box hoga, bas aap content box mein, niche diya gaya code paste kar de aur save button par click kar de.

<script type='text/javascript'> if (typeof document.onselectstart != "undefined") { document.onselectstart = new Function("return false"); } else { document.onmousedown = new Function("return false"); document.onmouseup = new Function("return false"); } </script>

Yeh 6 steps follow karne ke baad apke blog ko koi bhi copy/paste nahi kar payega aur aapka blog 100% safe ho jayega. To bina der kiye aap bhi apne blog ko cheaters se safe kar lijiye taaki future mein aapko kisi tarah ki problem na ho.

Main ummeed karta hoon aapko hamari yeh post pasand aayi hogi aur aapko kuch naya sikhne ko mila hoga. Agar aapke mann mein koi prashan ya sujhav hain to comment karne mein bilkul bhi na hichkichaye aur ho sake to apne friends ke saath share bhi kijiye. Milte hain agli post mein, apna keemti samay dene ke liye aapka bahut bahut dhanyavad.