Free mein .ooo domain kaise kharide?

Hello dosto, aaj hum baat karenge ki apni website ke liye free mein .ooo domain kaise liya jaye woh bhi poore ek saal ke liye. Sabse pehle main aap ko yeh bata doon ki yeh offer Buy.ooo ki taraf se diya jaa raha hain aur yeh sirf limited time ke liye hi available hain. Isliye jaldi se jaldi iss offer ka faida utha lijiye.

Waise to online aur bhi kai free domain available hain jaise ki .tk, .ml, .ga, .cf, .gq lekin yeh sab top level domain (TLD) nahi hain aur inse google adsense ya media.net se approval lena lagbhag namumkin hain. Is article ko parne ke baad aap yeh acchi tarah se jaan jaayenge ki .ooo domain kya hain, ise free mein kaise prapt kare aur iske fayde.

.ooo Domain Kya Hain aur iske fayde?

.ooo ek bilkul hi naya domain extention hain jo ki sirf 2014 se hi upyog me aaya hain. .ooo domain ki shuruwat Ahmedabad ki Infibeam namak ek company ne ki thi. Yeh ek top level domain hain, yaani ki aap is se aasaani se google adsense approval le sakte hain aur saath hi saath yeh search engine traffic ke liye bhi faidemand hain.

1) Search engine friendly: .ooo ek search engine friendly domain hain. Yeh google search mein accha perform karta hain.

2) Maximum domains available: Aapka preferred domain aasani se mil jayega.

3) Less competition: Naya hone ke wajah se abhi .ooo domain mein competition bhi bahut kam hain.

4) Unique/Attractive domain: Yeh domain baaki domains se alag hi dikhta hai aur kaafi eye catching bhi hain jaise ki games.ooo.

5) Global domain: .ooo ek country specific domain nahi hain, yaani ki agar hum iss domain ko use karte hain to hume worldwide traffic milega.

Hum .ooo Domain Free Mein Kaise Kharide?

Dosto, niche diye gaye steps ko follow karke aap free mein .ooo domain kharid sakte hain.

1) Sabse pehle aap ko Buy.ooo website par visit karna hoga.

2) Ab search box me apne pasand ke .ooo domain name ko search kare, jaise ki movies.ooo, shoes.ooo etc.

3) Available domains me se ek accha sa domain name choose kar lene ke baad, apne domain name ke samne diye gaye select button par click kare aur fir checkout par click kare.

5) Iske baad aapko order mein aur bhi chize add karne ko bolenge, un sabko ignore karte huye aap No Thanks par click kar dijiye.

4) Next page par aap ko domain ka price Rs. 1699 show hoga lekin aap ko chinta karne ki jarurat nahi hain, jaise hi hum coupon code use karenge iska price apne aap Rs.0 ho jayega.

5) Ab Have a Coupon? field mein GETOOO code daal kar apply button par click kar de.

6) Phir aap apni information fill karke Buy.ooo par sign up kar le.

7) Account create karne ke baad aap successfully Rs. 0 price ke saath checkout kar sakenge.

8) Apni email id par jaa kar order ko confirm kar de otherwise aapka domain 15 din baad suspend ho jayega.

9) Aapka choose kiya huya .ooo domain ab 1 saal ke liye aapka hoga aur agar aap chaahe to isko extend bhi kar sakte hain par uske liye charges lagenge.

Terms and Conditions:

1) Yeh offer sirf limited time ke liye hi available hain.

2) Sab log iss offer ka fayda utha sakte hain.

3) Har ek customer ke liye sirf 1 hi free domain uplabdh hoga.

4) Free domain sirf ek saal ki liye hoga uske baad use karna hain to charges dene honge.

5) Yeh offer premium domains par laagu nahi hain.


Dosto, mujhe umeed karta hoon aap log bhi jald iss free .ooo domain offer ka fayda utha lenge. Aur haan, agar aap pehle se hi .ooo domain kharid chuke hain to isse comments mein jarur share kare. Thank you.